الاسبوع الي طاف كان اسبوع متعب موطبيعي تيمع كل الشغل فيه بس الحمدلله خلصت وافتكيت كان عندي نشاط صباحي واجتماع امهات حابه بس اعرض معناه معلمه رياض اطفال في مناسبه من مناسبات الروضه يمكن يمر عليكم درس الامهات بسيط وسهل تهقونه بس اهو متعب بشكل نبدي بالتجهيزات
اولا شي التسوق واحضار المكونات الاساسيه هههههههههههه صارت اكله مودرس؟؟
رحت مع خوخه صديقه العمل اولا لايكيا لان بنشتري فريمات وعجبني حركات الكريسميس وناسه
طبعاكانت فكرتنا اهي فريم بلين الطفل يزينه ونحط صورته داخل الفريم ويهديها الماما تحط بمكتبها بغرفتها فكرة بسيطه والكل يستانس عليها واهني الاطفال يشتغلون
استمتعنا مع الاطفال وانجازاتنا كانت حلوه وشكل الفريمات كيوووووت وصورت الاطفال واهما يشتغلون وسويته موفي ميكر عشان اعرضه على الامهات ويشوفون تعب عيالهم
الخطوة الثانيه رحلة الى بو100 فلس وترتيب الصف
نبيدي بلوحات صغيرة للكتابه
طبعا هذا جزء من شغلي واايد مسابقات واشياء ماصورتها من اللويه بس كان الدرس واو واليهال ينوا والامهات استانسوا وايدوالي يقول ابلات الروضه ماعندكم شغل غير ترقصون اليهال واللعب
اتحداه يتحمل مهنتي 3 ايام بس
الحمدلله
ليست هناك تعليقات:
إرسال تعليق