رحلتنا لتركيا
2011
عمي يزاه الله خير نظم لنا رحله لتركيا
وبصراحه كانت وحدة من سفرات العمر
كتخطيط كديرة كرفقه
كل شي كان واااااو
الله يخليك لنا عميم
الحلو ان كلنا بنات ووناسه
خل اخلي الصور تتحجى بدالي احسن
صور الهوتيل الي سكنا فيه اسمه ميد تاون وحلو ونظيف والاحلى انه بعز السوق بمنطقه اسمها التقسيم
وهاذي غرفتي انا و milky ann
اول ماوصلنا رحنا لمطعم يشوق الديكور والاجواء كانت روعه
اليوم الثاني قمنا مبجر خذينا شور ونزلنا البوفيه
عقب ماتريقنا رحنا نتمشى بشارع الاستقلال وعجبني كشكات الورد الوانها عجيبه سبحان الله
والحين تبدي انطلاقتنا لهذا اليوم
اول شي الميترو وماادراك ماسوالف الميترو ركض وصراخ وخايفين ننسى احد
بس والله وناسه
اول مكان زرناه قلعه محمد الفاتح اسم قلعه صعب ونسيته
راح اسوي تحديث للاسم ان شالله
اممممم.. اشلون اوصف الشعور الاسطوري الي حسيت فيه بالقلعه ومن شنو ابدي من التصميم العجيب لي السيوف
والكنوز وسبايا الملك ولا شعره الرسول صلى الله عليه وسلم وعصى موسى
واو كش شعري ينبي وانا اشوف سيوف الصحابه رضي الله عنهم ومن راس السيف لون جنه صدى من الدم
والقتال وااااااو والاحلى اني ماشيه بفخر وعلياء جدام الاجانب ان هاذا تراثي انا تراث المسلمين
ومحطتنا الثانيه كان المسري بازار
وعصير الرمان فريش ومنعش
واخر محطه كانت مطعم ناملي الي سميناه نمله
ولابد اخر شي نحلي وهني وقع غرامي على مشروب تركش اسمه سحلب
وهذا المشروب عباره عن مشروب اثقل من الحليب واخف من المحلبيه ويزينونه بدارسين
ودافييييييييييي
اليوم الثاني كانت رحلتنا حق تل العرايس مصنع الجلود ومول
يديد كبير
اليوم الثالث رحلتنا كانت بورصه مصنع الحلقوم جبل الثلج السوق الاخضر او سوق الحرير شوبينج بمجمع واخر شي سوق القطن
ركبنا العبارة وناسه احنا وسيارتنا
مصنع الحلقوم
الثلج
كان الجو مطر وثلج وبرد والمناظر موطبيعيه واخر شي لازم نتدفى بالسحلب طبعا
مقتطفات من اخر يوم لنا بتركيا
ماشاءالله
ردحذفتينن الصور
يا حلو تركيا
ويا حلات الورد بعد
وااااو ما شاء الله روعه التصوير وروعه الرحله
ردحذفوشعورج نفس شعوري يوم شفت سيوف الصحابه رضي الله عنهم وشعرة الرسول صلى الله عليه وسلم رغم انها كانت مغطايه في بوكس صغير بس هالكلام كان من سنين
ابغي اسييييييير مره ثااااانيه ان شاء الله يكتبلي سيره هالسنه تركيا حبيتها
بي سي: شو نوع الكاميرا اللي استخدمتيها
مشكورة حنان تسلمين كلج ذوق
ردحذفمسزز بيربل شخبارج شلونج؟؟شلون الامارات
حبيبتي تسلمين عيونج الحلوة الله يكتب لج روحه لتركيا قريبا يارب
كاميرتي نيكون كتبت عنها ببوست من مده انصحج فيها عجيبه عاد خذيتها من عندكم محل اسمه اشرف اتوقع